နည်းပညာ

ကွန်ပျူတာ နည်းပညာများ, နည်းပညာ software နှင့် နည်းပညာ blog

လက်ရွေးစင် သင်ခန်းစာများ ကြည့်ရန်။

Website ရေးနည်း HTML+CSS (အပိုင်း ၂)

မင်္ဂလာပါ …ဒီတစ်ပါတ်တော့ ကျွန်တော်တို့ html နဲ့ css code တွေကို စရေးရပါတော့မယ်။ မရေးခင် ဘယ် language က ဘာအတွက် သုံးတယ်ဆိုတာလေး ပြောချင်ပါတယ်။ html ဆိုတာကတော့ “Hyper Text Markup Language” ရဲ့ အတိုကောက်ဖြစ်ပြီးတော့ website မှာ content (စာ, ဓာတ်ပုံ, ..) တွေထည့်ဖို့ သုံးရတဲ့ language ဖြစ်ပြီးတော့၊ css (Cascading Style Sheet) ကတော့ style sheet ဆိုတဲ့အတိုင်း html က ထည့်ထားတဲ့ content တွေကို ပုံစံပြောင်းခြင်း၊ အလှဆင်ခြင်း အစရှိတာတွေကို လုပ်နိုင်တဲ့ language ဖြစ်ပါတယ်။ဒီသင်ခန်းစာကို ဘယ်လိုလူတွေ လိုက်နိုင်မလဲ?

ဒီသင်ခန်းစာကို “Analyzing a website” ကို ဖတ်ဖူးတဲ့လူတွေ လိုက်နိုင်မှာ ဖြစ်ပါတယ်။

သင်ခန်းစာ အကျယ်
အခြေခံ static website တစ်ခုဖြစ်ဖို့အတွက် ဆိုရင်တော့ Photoshop, HTML, CSS အစရှိတာတွေကိုတော့ အနည်းဆုံး တတ်မြောက်ထားရမှာ ဖြစ်ပါတယ်၊ ဒါပေမယ့် အခု ကျွန်တော်တို့က online ကနေသင်ကြားနေတာက တစ်ချက်၊ ဘာမှမသိသေးတဲ့လူတွေပါ လိုက်လုပ်နိုင်စေချင်တာက တစ်ချက် စတဲ့အချက်တွေကြောင့် Photoshop နဲ့ design ဆွဲတဲ့အပိုင်းကို ကျွန်တော် ချန်ထားခဲ့ပါရစေ။ ပုံမှန်အတိုင်းဆိုရင်တော့ design ဆွဲ customer သို့မဟုတ် website လာအပ်တဲ့သူကိုပြ၊ သူတို့က ကြိုက်တယ်၊ အိုခေ ဆိုမှ ကျန်တဲ့ html, css နဲ့ တစ်ခြားဟာတွေကို ဆက်ရေးရတာ ဖြစ်ပါတယ်။ အဲဒီတော့ ကျွန်တော်တို့မှာ ကြည့်ဆွဲရမယ့် design ဆွဲထားတာ မရှိပါဘူး။ ဆွဲထားတာ မရှိတော့ ရှိပြီးသား ဒီဇိုင်းတစ်ခုကို ကြည့်ဆွဲမှာ ဖြစ်ပါတယ်။ ကျွန်တော်တို့ ကြည့်ဆွဲမယ့် design ကတော့ online ပေါ်မှာ ရှိပြီးသားဖြစ်တဲ့ “Myanmar Web Designer” website ဖြစ်ပါတယ်။ ဒီတစ်ခေါက် သင်ခန်းစာမှာတော့ Myanmar Web Designer ရဲ့ header div အထိကို ပြီးအောင် ရေးမှာ ဖြစ်ပါတယ်။ ကျွန်တော်တို စ မရေးခင် Myanmar Web Designer ရဲ့ header div ကို အသေးစိတ် analysis လုပ်မှာဖြစ်ပါတယ်။ အောက်ကပုံကို ကြည့်ပါ။ အပေါ်ပိုင်းက header div တစ်ခုလုံးကို ပြထားတာပါ၊ အောက်ပိုင်းကတော့ header div ကို အသေးစိတ် ပြထားတာပါ၊ တစ်နည်းအားဖြင့် အောက်က div တွေ အကုန်လုံးက header div ထဲမှာ ပါရှိမှာ ဖြစ်ပါတယ်။ 

 

ဒါဆိုရင် ကျွန်တော်တို့ စရေးလို့ရပါပြီ၊ code စရေးတဲ့အခါမှာ ရေးဖို့ software (text editor လို့ ခေါ်ပါတယ်) လိုပါတယ်၊ အခုအချိန်မှာတော့ open source text editor ဖြစ်တဲ့ “notepad++” ကို download လုပ်ပြီး သုံးပါ။ ဒီ သင်ခန်းစာ အစအဆုံး ပြီးသွားပြီဆိုရင်တော့ notepad++ ထက် ပိုကောင်းတဲ့ text editor တွေသုံးပါ၊ ကဲ .. ကျွန်တော်တို့မှာ text editor လည်းရှိနေပြီဆိုတော့ coding စရေးကြတာပေါ့။ notepad++ မှာ အောက်က code တွေကို လိုက်ရေးပါ။

<!DOCTYPE html>

<html>

<head></head>

<body></body>

</html>

အဲဒီလိုရေးပြီးပြီဆိုရင်တော့ notepad++ မှာ flie>save ကို သွားပြီးတော့ ရေးပြီးသားကို သိမ်းလိုက်ပါ၊ file name ကိုတော့ index.html လို့ ပေးလိုက်ပါ။ file name ကို အကြီးမသုံးရပါ၊ space မခြားရပါ၊ space အစား “_” ကို သုံးပါတယ်။ online ပေါ်တင်တဲ့အခါ server တွေက linux server တွေများပါတယ်၊ linux မှာက အပေါ်က စည်းမျဉ်းတွေကို လိုက်နာပေးရပါတယ်၊ server အကြောင်းရှင်းပြတာ မဟုတ်လို့ အကျယ်ပြောမနေတော့ပါဘူး၊ အဲဒီ စည်းမျဉ်းတွေကို လိုက်နာပေးပါ၊ အလျဉ်းသင့်ရင် server အကြောင်း ရေးပါဦးမယ်။ ဒါဆို ကျွန်တော်တို့ သိမ်းပြီးပြီဆိုရင် code ကို ရှင်းပြပေးပါမယ်။

ပထမဆုံး တစ်ကြောင်းဖြစ်တဲ့ “<!DOCTYPE html>” ဆိုတာက browser တွေကို ဒီ document အမျိုးအစား (document type) က html အမျိုးအစားဖြစ်တယ်လို့ ပြောလိုက်တာဖြစ်ပါတယ်။

ဒါဆို ကျွန်တော်တို့လည်း အခုကျွန်တော်တို့ ရေးနေတာ html ဖိုင်ဆိုတာ သိသွားပြီပေါ့၊ html ဖိုင်ဖြစ်တဲ့အတွက် “<html>” နဲ့ ဖွင့်ပြီေးတာ့ “</html>” နဲ့ ပြန်ပိတ်ပေးရပါတယ်။ အဲဒီ html အထဲမှာမှ head နဲ့ body ကိုလည်း အဖွင့် tag, အပိတ် tag တွေနဲ့ ထည့်ပေးရပါတယ်၊ ခေါင်းနဲ့ ကိုယ် တပ်ပေးလိုက်တာပေါ့ 🙂 ။ tag ဆိုတာ ဘာကြီးလဲ ဆိုတော့ ကျွန်တော်တို့ ထောင့်ကွင်း “<” နဲ့ “>” ပါရင် tag လို့ ခေါ်ပါတယ်။ tag တွေမှာမှ slash “/” မပါတာက အဖွင့်ဖြစ်ပြီးတော့၊ ပါရင် အပိတ် tag ဖြစ်ပါတယ်၊ (ဥပမာ။        ။ <head> သည် head အဖွင့် tag ဖြစ်ပြီး </head> သည် head အပိတ် tag ဖြစ်ပါသည်။)

ဒါဆိုရင် ကျွန်တော်ဖိုင်ထဲမှာ head ပိုင်းနဲ့ body ပိုင်း ဆိုပြီး နှစ်ပိုင်းရပါပြီ၊ အဲဒါတွေကို div တွေနဲ့ သွား မရောပါနဲ့၊ div တစ်ခုမှ မပါသေးပါဘူး၊ အဲဒီတော့ ကျွန်တော်တို့ div တွေကို body ထဲကို ထည့်ပါတော့မယ်၊ တောင်းပန်ပါတယ်၊ အောက်က ဗီဒီယိုကို ဆက်ကြည့်လိုက်ပါ၊ စာရေးရတာ အရမ်းအချိန်ကြာပြီး နားမလည်မှာစိုးလို့ပါ။

 

ဗီဒီယို အပိုင်း ၁

 

ဗီဒီယို အပိုင်း ၂

 

ဗီဒီယို အပိုင်း ၃

 

ဗီဒီယို အပိုင်း ၄

 

ဗီဒီယို အပိုင်း ၅

18 thoughts on “Website ရေးနည်း HTML+CSS (အပိုင်း ၂)

  1. video No.3 က video No.4 နဲ့ သွားတူနေတာကို ပြန်ပြင်လိုက်ပါပြီ။ မှားနေတာကို ပြောပေးတဲ့ ညီမ၊ ကျေးဇူးတင်ပါတယ်။

  2. video file ထဲက တစ်ချို့ code တွေကိုကြည့်ရတာ သိပ်ပီပီပြင်ပြင်မမြင်ရဘူးဆရာရေ။ Link ချိတ်တာကစပြီး ခေါင်းကိုက်တော့တာပါပဲ။ ဆရာ့ သင်ခန်းစာဖိုင်လေးကျန်သေးရင် ဒီ web design tutorials အခန်းမှာပါတဲ့ code လေးတွေကို Pdf နဲ့ဖြစ်ဖြစ် တင်ပေးစေချင်ပါတယ် ဆရာ။ ကျေးဇူးတင်ပါတယ်။

    1. ဟုတ်လား … ကျွန်တော့်မှာတော့ မရှိတော့ဘူးဗျ။ ဒါပေမယ့် SEO meta tag optimization သင်ခန်းစာမှာတော့ website တစ်ခုက source code ကို ဘယ်လိုကြည့်ရမလဲဆိုတာ ရေးပြထားတယ်ဗျ။ အဲဒီသင်ခန်းစာဖတ်ပြီးတော့ Myanmar Web Designer က code တွေကို ဝင်ကြည့်ပေါ့ဗျာ။ ဒါဆိုရင် အဆင်ပြေမယ်ထင်တယ်ဗျ။

  3. အခုလို တင်ပေးတဲ့အတွက် ကျေးဇူးတင်ပါတယ်။
    ဒီလိုမျိုးပညာရပ်တွေဟာ တစ်ကိုယ်တည်းလေ့လာနေတာက အချိန်ကုန်နေတဲ့အတွက်
    သင်တန်းမျိုးတက်ချင်ပါတယ်ခင်ဗျာ။
    ကူညီလမ်းညွှန်ပေးနိုင်ဖို့ မျှော်လင့်ပါတယ်ခင်ဗျာ

  4. အရမ်းစိတ်ဝင်စားပါတယ်။ပိုက်ဆံမရှိလို့ မကြည့်ဖြစ်သေးပါဘူးဗျ။

  5. အရမ်းကိုပညာရပါတယ် အခြေံခံကနေစပြီးလေ့လာသူတွေအတွက် တန်ဖိုးရှိပါတယ် ဆက်ပြီးတော့လည်းတင်ပေးပါ အဆက်မပြတ်လေ့လာနေပါတယ် လေးစားစွာဖြင့်

  6. HTML တော့လေ့လာထားပါတယ်
    HTML (5) ကနေ ပြန်ပြီး စလေ့လာ လို့ရမလား ဆရာ

  7. ညီမ ခုမှစလေ့လာနေတာပါ..တခြားဆိုက်တေမှာလဲ လေ့လာပါတယ်…ဒီဆိုက်က video တေက.. ညီမ တကယ်သိချင်တဲ့ အတိုင်းရှင်းပြပေးထားလို့..အတိုင်းမသိဝမ်းသာပါတယ်..ကျေးဇူးလဲတင်ပါတယ်ရှင့်

  8. background image ကနေရှေ့ဆက်တက်လို့  မရဘူးဖြစ်နေတယ်ဆရာ
    code ထည့်ပြီးတာတောင် အရောင်ကတက်မလာဘူးဖြစ်နေတယ်
    ဘယ်လိုလုပ်ရမလဲဆရာ ရှင်းပြပေးပါလာ

Leave a Reply

Your email address will not be published. Required fields are marked *