နည်းပညာ

ကွန်ပျူတာ နည်းပညာများ, နည်းပညာ software နှင့် နည်းပညာ blog

လက်ရွေးစင် သင်ခန်းစာများ ကြည့်ရန်။

Website description meta tag optimization | Myanmar SEO Tutorials

မင်္ဂလာပါ..
ဒီတစ်ခေါက်တော့ website meta tag ကို optimize လုပ်တာကို သင်ပြပေးမှာဖြစ်ပါတယ်။ ဒီသင်ခန်းစာကို ဖတ်မယ့်သူတွေဟာ အရင်တစ်ခေါက်က website title tag optimization သင်ခန်းစာကိုလည်း ဖတ်ဖူးရပါမယ်။ အဲဒီသင်ခန်းစာကို ဖတ်ထားဖူးရင်တော့ ဒီသင်ခန်းစာအတွက် အချိန် သိပ်မပေးရတော့ပါဘူး။ ဒါကြောင့်မို့ ဒီသင်ခန်းစာမှာ website တစ်ခုရဲ့ title tag နဲ့ meta tag ကို ဘယ်လိုရှာရမလဲဆိုတာပါ ပြောပြပေးသွားမှာ ဖြစ်ပါတယ်။ ဒီ blog မှာ ရေးတဲ့သင်ခန်းစာတွေဟာ ဘာမှမသိတဲ့လူတစ်ယောက်က စပြီး အလယ်အလတ်သိတဲ့ လူတစ်ယောက်အထိ ဖတ်လို့ရအောင် ရေးတာဖြစ်ပါတယ်။ ဒါကြောင့် သိပြီးသားလူတွေလည်း ပိုပြီး ပြည့်ပြည့်စုံစုံ သိစေပါတယ်။ ကဲ .. သင်ခန်းစာ စရအောင်ဗျာ။

အရင်ဆုံး website တစ်ခုရဲ့ title နဲ့ description meta tag ကို ရှာဖွေနည်းကို ပြောပြပါမယ်။ ဒီတော့ နမူနာ website တစ်ခု လိုအပ်လာပါပြီ။ နမူနာ website ကို အရင်တစ်ခေါက်က ထားခဲ့တဲ့ www.seo.sg ကိုပဲ ထားပါမယ်။ ဒီတော့ အဲဒီ website ကို ကလစ်နှိပ်ပြီး ဖွင့်လိုက်ပါ။ ပွင့်လာပြီဆိုရင် မိမိသုံးတဲ့ browser ပေါ်မူတည်ပြီးတော့ နည်းနည်းလေး ကွဲပြားပါတယ်။ သင်သုံးတဲ့ browser ကGoogle Chrome, Firefox နဲ့ Opera ဆိုရင် keyboard shortcut (ctrl+u)
Safari ဆိုရင် keyboard shortcut (ctrl+alt+u)
Internet Explorer ဆိုရင်တော့ keyboard shortcut သုံးလို့ မရတော့ပဲ view menu ထဲက source ကို နှိပ်မှ ရပါမယ်။ (Menu bar မပေါ်ဘူးဆိုရင် keyboard က “alt” key လေး တစ်ချက်နှိပ်လိုက်ပါ။ menu bar မြင်ရပြီဆိုမှ ကျန်တာ ဆက်လုပ်ပါ။)
Internet Explorer ဆိုရင် နောက်တစ်နည်း page menu ထဲက view source ကိုနှိပ်ပြီးတော့လည်း ကြည့်လို့ရပါတယ်။ အောက်က ပုံကိုကြည့်ပါ။

ဒါဆိုရင်တော့ ကိုယ်ကြည့်နေတဲ့ website မှာ ရေးထားတဲ့ source code တွေကို မြင်ရပါပြီ။ ကျွန်တော်တို့ အဓိက ရှာချင်တာက အခုမြင်နေရတဲ့ code တွေထဲကမှ title ဆိုတာရယ် description ဆိုတာရယ်ပါ။ မျက်စိနဲ့ ရှာရင် ကြာနေမှာစိုးလို့ browser မှာပါတဲ့ search function နဲ့ ရှာပါမယ်။

keyboard ကနေ (ctrl+f) သို့မဟုတ် (f3) ကိုနှိပ်လိုက်ပါ။ စာရိုက်လို့ရတဲ့ box လေး ပေါ်လာပါလိမ့်မယ်။ အဲဒီထဲမှာ “title” လို့ ရိုက်ထည့်လိုက်ပါ။ အဲဒီမှာ title ကို တွေ့ရပါလိမ့်မယ်။

နောက်တစ်ခုက အဲဒီစာရိုက်လို့ရတဲ့ box ထဲက စာအားလုံး ပြန်ဖျက်ပါ။ “description” လို့ ရိုက်ထည့်လိုက်ပါ။ Description meta tag ကိုတွေ့ရပါလိမ့်မယ်။

ဒီနည်းလမ်းနဲ့ website တစ်ခုရဲ့ source code ကို ကြည့်လို့ရပါမယ်။

ဒီတော့မှ ကျွန်တော်တို့ ဒီနေ့ သင်ခန်းစာ စပြောပါတော့မယ်။ အထက်က နည်းအတိုင်း www.seo.sg website ကိုဖွင့်ပါ။ Source code ကို ထပ်ဖွင့်ပါ။ description meta tag ကို ရှာပါ။ ရေးပုံရေးနည်းကို လေ့လာပါ။ အဲဒီ website ကို အဓိက တက်စေချင်တဲ့ keyword တွေကိုတော့ အရင်တစ်ခေါက်က website title tag optimization post မှာ ပြောပြပြီးပါပြီ။ တက်ချင်တဲ့ keyword တွေနဲ့ ရေးပုံရေးနည်းကို ဆက်စပ်လေ့လာပါ။ ကိုယ်တိုင် လေ့လာပြီးပြီဆိုရင် description meta tag တစ်ခုမှာ ရှိသင့်တဲ့ လိုအပ်ချက်တွေကို ဖတ်ပြီးတော့ ကိုယ်ပိုင်လေ့လာမှုနဲ့ တိုက်စစ်ကြည့်ပါ။

Description meta tag တစ်ခုမှာရှိသင့်တဲ့အချက်တွေက-

(၁) space အပါအဝင် စာလုံးရေ ၁၅၀ ထက်မပိုရပါ
(၂) website ရဲ့ အနှစ်ချုပ်ကို ဖော်ပြနိုင်ရပါမယ်။
(၃) keywords တွေ ပါရပါမယ်။

(၁) space အပါအဝင် စာလုံးရေ ၁၅၀ ထက် မပိုရပါ ဆိုတာကတော့ google ကနေ search လုပ်တဲ့အခါမှာ description meta tag က စာတွေက search result မှာ လာပေါ်ပါတယ်။ ဒါပေမယ့် စာလုံးရေ ၁၅၀ အထိပဲ ပြပေးပါတယ်။ စာလုံးရေတွက်ခြင်းကိုတော့ Microsoft Word မှာ word count function သုံးပြီးတော့ ရေတွက်လို့ရပါတယ်။

(၂) နံပါတ်နှစ်ကတော့ ရှင်းပါတယ်။ Description ဆိုတာ ရှင်းလင်းချက်ဆိုတဲ့ အဓိပ္ပါယ်အတိုင်း ကိုယ့် website ရဲ့ အနှစ်ချုပ်ကို ရှင်းလင်းပြသနိုင်ရပါမယ်။

(၃) Keywords တွေ ပါရမယ်ဆိုတာကတော့ title tag လိုပဲ Google နဲ့ အခြား search engine တော်တော်များများက description meta tag က keyword တွေနဲ့ ranking ပေးလေ့ရှိပါတယ်။ ဒါပေမယ့် keyword တွေချည်းပဲ စုပုံ မထည့်နဲ့ပေါ့ဗျာ၊ အဲလိုထည့်ရင် ခင်ဗျား website က ranking ကောင်းချင်ကေင်းမယ်။ ဒါပေမယ့် user တော်တော်များများကတော့ click လုပ်မှာမဟုတ်ဘူး။ user တွေက အဓိပ္ပါယ်ကိုပဲ ကြည့်တာလေ။

ကဲ .. ဒီနေ့သင်ခန်းစာကတော့ ဒီလောက်ပါပဲ။ ကျေးဇူးတင်ပါတယ်။

Leave a Reply

Your email address will not be published. Required fields are marked *